Sommerzeit am Offensee
Ein schönes Badeplatzerl
Mein Offensee
I woaß a Platzerl auf der Welt, das ist der Offensee,
da geh i hin, wann mi was druckt, im Herz a hoamlich Weh,
die frische Luft vom Birig her streicht übern See durchs Tal,
von Bleamaln schmeckt ma frei den Duft, wias blüahn dort überall.
A Leachal kroast und singt voll Freud zhöchst dromat im G´wend,
a Gamsal äst a ganz vertraut, a Stückerl weiter drent ,
und hintern See wo´s Bacherl rauscht, vom Föls´n aba schiaßt,
da bringst dein Blick fast gar nit weg, weilst so was nit bald siagst.
Am liaben kloanen Fleckerl dort, wo Ruah und Frieden haust,
han i mir scho so manchesmal ganz hoamlich was abg´ lauscht.
Und gar erst wann die Sennrin juchzt, dass klingelt bis in d´Heh,
da sing i drauf voll Lust und Freud, das Liad vom Offensee.
diesem Liedtext ist eigentlich nichts hinzuzufügen